Несусьветныя рэчы

Tue, 03 Nov 2009 22:32:39 GMT

Плётку мне падаруйце на ДН з сэксшопа.
Для навядзеньня парадкаў у асабістым жыцьці.

ролікі

Thu, 02 Jul 2009 15:20:01 GMT

Можа хтосьці вяртаецца з Варшавы ў Менск?
Калі ласка, людзі, прывязіце мне мае ролікі!!
Паміраю тут у самоце :/

Мяў!

Thu, 12 Feb 2009 13:22:15 GMT

Я коцік-экзоцік =)

Жжжжук! :)

Thu, 12 Feb 2009 00:03:54 GMT

Я тут вывела новага зьвера. Скрыжавала божую кароўку з вожыкам. Зараз гэта істота патрабуе ад мяне імя. Варыянты:

1. Бэдронкаеж;
2. Божаёж;
3. Божавош.

Як думаеце, што больш пасуе? :)

Устами младенца :)

Mon, 02 Feb 2009 23:56:45 GMT

Ігнась, 3,5 гады: Ааааа! Цёця Аналька прыехала!!

Сон-практыка.

Sun, 19 Oct 2008 07:31:20 GMT

Сьніла сон пра сваю будучую пэдагагічную практыку.
Па-першае, я спазьнілася на занятак, бо дзеткі чамусьці сядзелі ня ў той аўдыторыі, якая была пазначана ў раскладзе.
Па-другое, я адразу не засела за настаўніцкі стол, хацела быць бліжэй да народа, з-за гэтага дзеткі ахрысьцілі мяне Наташай.
Ну і нарэшцэ ненаўмысна закахалася ў вучня з чароўным імем Янак, які маладзейшы на мяне гадкоў гэтак на 5.

Сяброўка хахоча, што ў гэтым ўся я. А я вырашыла, што ўсё ж пайду выкладаць у малодшыя школьныя клясы.

Jarosław Seifert

Mon, 23 Jun 2008 17:42:59 GMT

Liczydło*

twoja pierś
jest jak jabłko z Australii
twoje dwie piersi
są jak dwa jabłka z Australii
jakże lubię to liczydło miłości

Tłum. Józef Waczków

* графіка верша не перададзеная.

Eurovision

Sat, 24 May 2008 22:27:44 GMT

Жыве Білан!! :D

Mодніцо-скoвoродніцо.

Mon, 28 Apr 2008 19:56:39 GMT

Рву баяны на памінках сваіх улюбёных Motorаў.
Навука -- гэта сапраўды адсіджваньне прыўкраснай кропкі і зьнішчэньне файных шмотак. Добра, што хваля моды на «дудачкі» ўжо адкаціла.

Заўтра праводжу занятак беларускай літаратуры на 3-м курсе. У спадніцы.

Від з улюбёнага акна

Wed, 26 Mar 2008 17:04:21 GMT

З.Ы. Мая трэцяя фотка, адобраная zedlikам. Юбілей! =)

Жамчужына мысьлі.

Wed, 05 Mar 2008 22:54:20 GMT

Калі хочаш нешта выправіць, ня бойся быць сьмешным і дурным.

The world is mine! =)

Sun, 20 Jan 2008 03:05:19 GMT

Адносіны чалавека да вас можна прасачыць пасродкам дыскаў. Калі раней яны дараваліся ў скрыначцы, з эксклюзіўным ўкладышам, падпісаныя з усіх бакоў, то зараз гэта проста дыск і проста нейкі няўцямны пакецік. (Мальчыку, які ўцёк ад мяне ў Атэны -- прывіт! :Р)

Усё ж часам я магу пагадзіцца з выразам «усе бабы -- дуры». Набываючы глянцавы часопіс, мы ў першую чаргу шукаем рубрыку «гараскоп», каб паглядзець, што ў нас на любоўным фронце. Камусьці рай ў шалашы, хтосьці ўлетку пачуе «Горка!» на ўласным вясельлі(діфчонкам з Бальзака -- прывіт! ;)) Мне зоркі прарочаць рэальныя адносіны. Усё гэта добра, абы пасьля ня плакаць. Будзем верыць у лепшае! ;)

Не перастаю пераконвацца, што гэты сьвет створаны спэцыяльна для мяне. Гэта натхняе! =)

rrrrrrrrr!!!

Wed, 16 Jan 2008 23:00:13 GMT

Я дома ня ем. Кантроль. Маці ходзіць за мной і зазірае ў рот. Мне лягчэй зусім ня есьці, абы толькі яна ня ныла, што я тоўстая. Таму дома я худзею -- толькі гарбатку папіваю і кефірчык(які насамрэч выліваю ў ракавіну, пакуль ніхто ня бачыць). Але каб хто ведаў, як я пруся ад свайго цяперашняга «тоўстага» выгляду!!! Душка =)

Паколькі дома ня ем, то прыйшлося патроіць колькасьць спатканьняў. Піца ніколі не заменіць дамашніх піражкоў, але мае нэрвы і нэрвы маёй маці даражэй.

Сёньня ўсё было клёва. Дакладней, было клёва да таго часу, пакуль мяне не ўзялі за лахудры і не выправадзілі за межы кавярні. У мяне яшчэ заставалася палова піцы! І я нават кнігу скаргаў не пасьпела папрасіць! Зараз галодная і злосная. Заснуць не магу. Заўтра пайду пісаць на эта завідзеніе малявы. Вось!

Сьцёб дня =)

Mon, 14 Jan 2008 22:09:01 GMT

Папік сказануў: Ужо праз 2 дні тваёй гаспіталізацыі ўвесь шпіталь ведаў, што ты філёляг. Таму табе і эпікрыз так доўга не аддаюць -- памылкі выпраўляюць.

Пакараньне апэндыцытам.

Fri, 11 Jan 2008 20:31:12 GMT

2 мардавароты ў малінавых піжмаках, у аднаго з чэлаў нож у жываце:
чэл без нажа: ну як адчуваньні?
чэл з нажом: як пры страце цнатлівасьці.
чэл без нажа: дык ня самыя страшныя. («Жмуркі»)

А мне вось выразалі апэндыцыт. Прыкіньце, што сталася з маім сэксуальным жывоцікам!! Правільна, на ім зьявіўся да жаху сэксуальненькі шнарык =)
А калі параўноўваць адчуваньні, то цноту можна згубіць з кім захочаш, а вось хірурга выбіраць ня прыйдзецца ;)

schengen

Thu, 20 Dec 2007 21:10:23 GMT

А мы сёньня ўночы будзем у Schengenіе :)) Бягу за шампанам і ананасамі! А ўжо заўтра выязджаю на зарабаткі ў Бэрлін! Шчасьліва заставацца :Р
http://schengen.pl/

Нахабны постмадэрнізм.

Thu, 13 Dec 2007 01:40:04 GMT

Маё жыцьцё такое аднастайнае. Я палюю на курэй, людзі палююць на мяне. Усе куры падобныя адна на адну, і ўсе людзі падобныя адзін да аднога. З гэтае прычыны мне страшна сумна. Але, калі Ты прыручыш мяне, жыцьцё маё нібы сонцам азарыцца. Я навучуся парспазнаваць Твае крокі сярод тысячы іншых. Калі я чую людзкія крокі, я ўцякаю і хаваюся. Твае ж паклічуць мяне з гары як музыка. І потым -- паглядзі!! Бачыш, там, удалечыні, жытняе поле? Я ня ем хлеба. Жыта мне ні да чаго. Збажына нічога не нагадвае мне. І гэта так сумна! А ў Цябе залатыя валасы. І як цудоўна было б, калі б Ты прыручыў мяне! Залатое жыта заўсёды было б мне напамінкам пра Цябе... Я палюбіла б песьню ветра ў калосьсях...
Калі ласка... прыручы мяне!!

!!

Tue, 04 Dec 2007 21:23:22 GMT

Жыцьцё набывае колеры!!

Апытанка :)

Mon, 26 Nov 2007 11:32:49 GMT

Прайшла інфа, што:

1. У Менску не знайсьці кніжак Ларысы Геніюш. Кніга з сэрыі «Беларускі кнігазбор» у перакупшчыкаў каштуе 80 даляраў. Асобна выдадзеная «Споведзь» -- 40. Ці так гэта? Бо мне нешта ня верыцца...

2. Вынайшлі новы від кантрацэпцыі. Цяпер можна купіць нейкі плястыр, які клеіцца на жывоцік(плячо, попу, нагу) і дзейнічае як гарманальныя пігулкі. Плястыр ад сябе нельга адкалупліваць на працягу 30 дзён, бо праз яго ў арганізм паступаюць тыя рэчывы, якія абараняюць ад непажаданых сюрпрызаў. Хто-небудзь на ўласныя вочы пачыў гэтую «налепку»? Як можна зь гэтай фігнёй мыцца, жыць месяц? Ці таўсцееш ад плястыра так, як ад гарманальных пігулак?

Настаўнік жыцьця.

Sun, 18 Nov 2007 22:15:04 GMT

Шукаю гуру.

***

Wed, 14 Nov 2007 19:17:12 GMT

Калі сёньня на мяне паглядзелі 2 жанчыны, іхнія рукі адразу палезьлі ў патаемную шафу. У шафе захоўвалася тое, што дапамагала ім, сяброўкам, жыць. Гэта былі пігулкі, якія разбаўлялі іхняе цяжкае жыцьцё спакойным ступарам. Яны запыталіся ў мяне: Хочаш спаць па начах? Хочаш быць адной сярод людзей? Хочаш нічога не адчуваць?

Пакуль я думала, ці варта браць таблеткі ад ледзь знаёмых людзей і піць невядома што, яны сварыліся, вызначаючы мне дозу. Адна крычала, каб я дубасіла цэлую, другая прапісала чвэрць. Я выпіла талову пілюлі, каб толькі яны не жжужалі ў мяне над вухам.

Калі пачаўся ступар і захацелася спаць, я пайшла ў краму і доўга, настойліва, рупліва выбірала сабе пазытыўны нататнічак, каб запісваць туды пазытыўныя эмоцыі. Маленькі глямурна-ружовы блякноцік ляжыць на маім пісьмовым стале, а я чакаю Людка, яна абяцала прывезьці паштовак з выявамі Бэрліну.

А таблеткі-антыдэпрэсанты ляжаць на дне майго заплечніка і сьвецяцца падманліва-памаранчавым колерам шчасьця...

Дзікая жанчына.

Sat, 03 Nov 2007 15:59:22 GMT

Са мною трэба гуляць па маіх жа правілах. Я не цярплю слабакоў і мамачкіных сыночкаў. Яны мяне раздражняюць. Я буду змагацца за свае прынцыпы і ідэалы, як маці-тыгрыца абараняе сваіх дзетак. Мяне ня трэба гладзіць па сьпінцы, калі я яе выгібаю. Са мною трэба змагацца, вапіць, крычаць, выкручваць мне рукі, калі я паказваю свае кіпцюры. Праз 3 хвіліны я прыпаўзу мірыцца. Буду ласкавай і пяшчотнай.
Толькі не раўнадушша, якое зьнішчае маю натуру дзікай жанчыны. Я буду з табой толькі ў тым выпадку, калі ты пакажаш мне сваю моц.

Sat, 03 Nov 2007 01:49:24 GMT

Хачу жоўтых тульпанаў!!
Апошнім часам мне сталі вельмі падабацца гэтыя кветкі =)

Газэта маёй мары.

Thu, 01 Nov 2007 20:19:15 GMT

Даведалася, што ў Менску на базе факультэта журналістыкі БДУ ў 2008 годзе зьявіцца Інстытут журналістыкі. Я не разумею, навошта пладзіць гэтых бяздарнасьцяў і яшчэ так прыгожа называць гэты цырк?
Зразумела, што з гэтае тупое шайкі выб'ецца пару-тройку талентаў, але гэта толькі ў тым выпадку, калі на ўступным сумоўі ім не патрапіцца тэма «Звязда» -- самая лепшая беларуская газэта». Цікава, чаму навучаюць на факу журналістыкі? Дзе аналітыка? Дзе падача? Дзе жаданьне думаць і быць лепшым за іншых? На жаль, я бачу толькі артаграфічныя і сынтаксічныя памылкі ў артыкулах. Я выдатна разумею, што студэнтам трэба недзе друкавацца, але чаму іх атрыкулы друкуюць у «Звяздзе», ставячы тым самым пад сумнеў «самую лепшую беларускую газэту РБ»?

Артыкул «Каханне.by або Усё, што вы хацелі ведаць пра сайты знаёмстваў, але баяліся спытаць» -- я была ўражаная. Рэдкасны тупы прымітыў. Аўтарка, студэнтка факультэта журналістыкі БДУ, праводзіць экспэрымэнт: запаўняе анкету на сайце знаёмстваў і расказвае, што за бараны да яе заляцаюцца. Няўжо гэтая тэма актуальная для тых, хто чытае «Звязду»? Я буду пляскаць у далоні стоячы, калі гэты артыкул заказала рэдакцыя газэты, каб нашыя німфэткі ня мелі жаданьня прабівацца у гэтым жыцьці, а ротамі/табунамі выляталі на Захад, у пошуках багатых вычварэнцаў за 50 год.

Журналісты, пакажыце мне болей!! Зьнішчыце стэрыятыпы аб нікчэмнасьці вашае прафэсіі! Зацікаўце нас! Дзе ваш крэатыў і жаданьне думаць? Задзяўбло выпраўляць памылкі ў вашых тэкстах, не акцэнтуючы ўвагі на зьмесьце!

***
З этычных пабуджэньняў імя аўтаркі атрыкула «Каханьне.by» не афішуецца.

Thu, 01 Nov 2007 02:20:34 GMT

Мая сьвечка танчыць пад Aphex Twin «On».
У шклянцы засталіся карычневыя, жоўценькія і чырвоныя M&M's.
Дражэ зьмешваюцца, перацякаюць, утвараючы цёплы колер шчасьця.
Сьвята агня.